Njihuni me pyetjet më të shpeshta referuar biletarisë online për Sitet e Trashëgimisë kulturore
►Për cilën nga Sitet e Trashëgimisë Kulturore mund të blihen bileta online?
Lista e Siteve të Trashëgimisë Kulturore, për të cilat mund të blini bileta online është:
Parku Arkeologjik Apolloni
Muzeu Kombëtar ikonografik "Onufri"
Kalaja e Gjirokastrës
Muzeu Kombëtar "Gjergj Kastrioti" Krujë
Kalaja e Shkodrës
Muzeu Kombëtar i Fotografisë "Marubi"
Parku Kombëtar i Butrintit
Muzeu Historik Kombëtar
►Cilat janë metodat e pagesës për biletat e Siteve Kulturore?
Biletat për Sitet Kulturore mund t’i blini :
Online nëpërmjet kartave Visa/MasterCard
Transferte Bankare
Permes Accountit tuaj ne Aplikacionin UPAy
►Sa vonojnë të vijnë biletat në email?
Në rast se klienti bën blerje me kartë Visa/Mastercard, atëherë atij do t'i duhet të plotësojë te dhënat personale. Më pas i shfaqet procesori i pagesës. Pasi plotësohen të dhënat e kartës dhe klikohet butoni ‘send’, konfirmimi i pagesës i shkon klientit automatikisht në email-in e vendosur më parë. Më pas një email i dytë i shkon me biletat në format pdf
në kohe reale sapo konfirmohet pagesa me sukses.
Në rast se klienti bën blerje me transfertë bankare, atëherë klientit i shkon një email automatic
me të dhënat e kërkesës së tij. Në këtë email specifikohen të dhënat e llogarisë bankare, shuma totale që duhet paguar (përfshirë komisionet e Myticket) dhe informacioni për përshkrimin e pagesës. Pasi është kryer transferta bankare, klienti duhet të njoftojë përmes emailit Myticket.al për pagesën e kryer. Pas verifikimit nga financa e Myticket.al biletat dërgohen në email-in e konfirmuar nga klienti brenda 2-3 dite pune.
Në rast se pagesa kryhet me Upay, mjafton të jeni të regjistruar në Upay dhe të keni një llogari tuajen të aktivizuar. Në momentin qe zgjidhni Upay si metodë pagese dhe pasi klikoni për të vazhduar me pagesën duhet të logoheni në accountin tuaj që jeni të regjistruar në Upay. Pas pagesës biletat vijnë automatikisht në email.
►Sa janë komisionet për cdo mënyrë pagese?
Për transaksionet që kryhen me kartë komisioni është në 4.8% të vlerës totale.
Për pagesat që kryhen me transfertë bankare, komisioni eshte 1.2% e vlerës totale.
Për pagesat që kryhen me Upay, komisioni është 3% e vlerës totale.
►A ndryshon çmimi online i biletave për sitet Kulturore nga ai në sportel?
Po, ndryshon. Çmimi i biletave online është më lirë sesa në sportelet fizike.
►A duhet të jenë të printuara biletat në hyrje te Sitit?
Biletat e blera skanohen tek pajisja e kontrollit në hyrje të sitit, mund të jenë të printuara ose mund të skanohet barkodi edhe nga telefoni.
Nëse një biletë është e skanuar më pare ajo del e pavlefshme.
►Sa është vlefshmeria e biletave të blera Online?
Biletat e blera online janë të vlefshme për një muaj nga momenti i blerjes.
Për rastet e grupeve shumë të mëdha biletat mund t’i përdorni dhe në ditë të ndryshme brenda një muaji, mjafton të siguroheni të përdorni bileta të papërdorura më parë.
►A mund të kthehen ose të shtyhet vlefshmeria e biletave?
Jo, biletat nuk mund te rimbursohen ose te shtyhet afati i vlefshmerise se tyre.
►Sa është numri i personave që lejohet të hyjnë me biletë te kategorisë “grup +12 ose grup +50”?
Numri minimal i personave duhet të jetë jo më pak se 12, për biletat grup +12 dhe jo më pak se 50 persona për kategorinë grup +50.
►A pajisemi me faturë tatimore për cdo blerje?
Fatura tatimore vjen në programin e fiskalizuar ose në programin Selfcare brenda 1-2 ditë pune.
Për pagesat me kartë, fatura tatimore është nën kategorinë “CASH”, ndaj do t’ju vijë tek seksioni librat e blerjes ose transaksionet e blerjes.
